Регулативата (ЕУ) 2024/1143 на Унијата има за цел понатамошно развивање на високиот квалитет и стандарди на храната и гарантира дека нејзиното културно, гастрономско и локално наследство е зачувано и сертифицирано како автентично, како во ЕУ, така и на глобално ниво.
Поточно, Регулативата (ЕУ) 2024/1143 го зајакнува системот за географски ознаки за вино, алкохолни пијалоци и земјоделски производи.
Европската комисија во контекст на оваа Регулатива (ЕУ) 2024/1143, усвои нови технички правила што се применуваат на Географските ознаки во АГРО-секторот (вино, жестоки пијалоци и земјоделски производи).
Имено, Комисијата ја донесе Регулатива (ЕУ) 2025/26 од 30 октомври 2024 година, со која се утврдуваат правилата за примена на Регулативата (ЕУ) 2024/1143 на Европскиот парламент и на Советот во однос на регистрациите, измените, одбивањата, спроведувањето на заштитата и етикетирањето во однос на традиционалната гаранција за специјалитет, како и ја измени Регулативата 2019/34 во однос на географските ознаки во винскиот сектор.
Дополнително, Европската комисијата ја донесе Регулативата (ЕУ) 2025/27 од 30 октомври 2024 година, со која се дополнува Регулативата (ЕУ) 2024/1143 на Европскиот парламент и на Советот за правилата за регистрација и заштита на географските ознаки, гарантираните традиционални специјалитети и опционалните услови за квалитет.
Двете регулативи сега се во сила и ja дополнуваат Регулативата (ЕУ) 2024/1143 и особено ги утврдуваат техничките правила применливи во постапките за регистрација, одбивање и измени на географските ознаки и загарантирани традиционални специјалитети. Тие имаат за цел да обезбедат непречено функционирање на пазарот на географски ознаки и да го поедностават и рационализираат функционирањето на системот. Улогата на земјите-членки и Европската комисија во постапките за регистрација, поништување и промени е подобро дефинирана, барајќи и конзистентен пристап меѓу земјите-членки.
Со овие акти се утврдуваат и правилата за содржината и формата на електронскиот регистар на географски ознаки и гарантираните традиционални специјалитети.